„ხელოვნება სიმბოლოებით აზროვნებაა. სიმბოლოები კი, -უსასრულობის, მარადიულობის, დროისა და სივრცის მიღმა არსებული ნიშნებია, რომლებიც ცნობიერის არაცნობიერით გამდიდრებასა და გაღრმავებასაც გულისხმობს. სივრცის აღქმა ადამიანის ზე-მოთხოვნილებაა, ემოციურ-პლასტიკური განცდაა. ჩემთვის, ეს მოგზაურობაა ცნობიერ და არაცნობიერ სამყაროში, რომლის დროს განსაკუთრებით მიმზიდველია სახელოვნებო ქმედებების იმპულსებითა და პროცესებით, მარადიული სიმბოლოებით გაჯერებული თვითშემეცნების პროცესი. თითოეული ჩემი ნამუშევარი, ღია კარის უკან არსებულ სივრცეში კარგად დამალული  სიზმარია, რომელსაც პირველქმნილ კოსმიურ სამყაროში მივყავარ.“