„ჩემში ორი ტალღა ეჯახება მუდმივად ერთმანეთს. ერთ მხარესაა რაციონალური ნაწილი,
რომელიც ცდილობს რაც შეიძლება მეტი წერტილი დააკავშიროს ერთმანეთთან. მეორე
მხარეს – ემოციური მე, რომელიც გორაკებზე დარბის. ეს ორი, განსხვავებულად
რეზონირებს გარე და შინაგან მოვლენებზე, მაგრამ მაინც თანაცხოვრობს.
ჩემი პერსონაჟები ვიზუალურად არ გვანან იმ არსებებს, რომლებიც ყოველდღიურად
შეიძლება შეგხვდეს. თუმცა, რეალური გამოცდილებებიდან გამომდინარე, ისინი
წარმოადგენენ ზოგჯერ ჯადოსნური შთაბეჭდილებების რეპრეზენტაციას, ზოგჯერ
პროტესტს, კრიტიკულ იდეებსა და შეხედულებებს, რომლებიც ყოველდღიურ სამყაროსთან
ინტერაქციისა და განსჯის შედეგად ფორმირდება ჩემს ცნობიერებაში.“